Ordubad

Ordubad

Ərazisi

972,05 km2

Əhalisi

46,9 min nəfər

Nə ilə getmək olar

Avtonəqliyyat və qatarla: Naxçıvan – Ordubad

 

Ordubad şəhəri Naxçıvan Muxtar Respublikasında əhəmiyyətinə görə ikinci şəhər sayılır. O Zəngəzur sıra dağlarının ətəyində, Ordubadçay çayının sahilində, eyni adlı vadinin ətəklərində yerləşir.

Ordubad kiçik şəhərdir – onun əhalisi 10 min nəfəri zorla aşır. Ordubad hələ XII əsrdən tanınır. 70-ci illərdə tarixi-memarlıq qoruğunda birləşmiş çoxlu sayda yerli memarlıq abidələri onun qədim tarixindən xəbər verir.

Ordubaddan 60 km aşağıda yerləşən Gəmiqaya dağındakı qayaüstü rəsmlər şəhəri daha çox məşhurlaşdırmışdır. Bu, Qobustandan sonra Azərbaycanda tanınmış qayaüstü ieroqliflərin bir yerə toplandığı ikinci yerdir. Qayaların üzərində oyulmuş minlərlə şəkil bizim eradan 2-3 min il əvvəl insanın həyatından, onu əhatə edən dünyadan xəbər verir. Minlərlə turist və alim hər il bu yerləri ziyarət edir.

ƏtraflıGizlət

Ordubadın gözəl təbiəti, zəngin florası və faunası var. Təmiz hava, nadir dərman bitkiləri, ətirli meyvələr rayona şan-şöhrət gətirmişdir. Ordubad şaftalısı, armudu, üzümü və əriyi sulu və şirin olduqlarına görə çox məşhurdur.

Ordubad öz bağları və ən böyüyünün diametri 18 metr olan uzunömürlü çinarları ilə məşhurdur. Ordubad tut ipəkçiliyinin artırılmasının ən qədim mərkəzidir. XX əsrin əvvəllərində beynəlxalq sərgilərdə Ordubad ipəyi 13 qızıl medal qazanmışdır. Burada indi də ipək kombinatı fəaliyyət göstərir.

Ordubad, şübhəsiz ki, ilin hər fəslində gözəldir. Tarixi abidələrin bolluğu, maraqlı arxitektura və mənzərəli landşaftı onu Azərbaycanın turizm xəritəsində ən cəlbedici yerlərdən birinə çevirir.

Xəritə

Foto qalereya

İstirahət və Əyləncə